2026 IJRSE – Volume 15 Issue 14
Available Online: 3 June 2026
Author/s:
Durotan, Cheniña L.
Leyte Normal University, Philippines (cheninadurotan@gmail.com)
Abstract:
Sa kasalukuyang panahon ng makabagong teknolohiya, ang artificial intelligence (AI) ay patuloy na nagiging mahalagang bahagi ng iba’t ibang larangan, kabilang ang edukasyon. Sa pamamagitan ng AI, nagiging mas mabilis at mas madali ang pag-access sa impormasyon, pati na rin ang pag-unawa sa mga komplikadong paksa. Sa larangan ng panitikan, nagsisilbing kasangkapan ang AI upang matulungan ang mga mag-aaral sa pagsusuri ng mga akda, pagbibigay ng interpretasyon, at pagpapalawak ng kanilang kaalaman. Sa pananaliksik na ito ang mga paraan ng pangangalap ng impormasyon gamit ang AI, gayundin ang mga hamon na kanilang nararanasan sa paggamit nito. Gumamit ang pag-aaral ng deskriptibong metodo ng pananaliksik upang mailarawan ang karanasan at opinyon ng mga respondente. Batay sa resulta, napag-alaman na karaniwang ginagamit ng mga mag-aaral ang AI sa paghahanap ng buod ng akda, pagpapaliwanag ng mahihirap na konsepto, pagsasalin ng wika, at pagbuo ng ideya para sa pagsusuri. Nakatutulong ang AI upang mapabilis ang pagkuha ng impormasyon at mapadali ang pag-unawa sa panitikan. Gayunpaman, lumitaw din sa pag-aaral ang ilang hamon tulad ng pagdududa sa katumpakan ng impormasyon, labis na pag-asa sa teknolohiya, at kakulangan sa sariling pagsusuri at kritikal na pag-iisip. Ipinapakita ng pag-aaral na may positibong ambag ang AI sa pagkatuto ng panitikan kung ito ay gagamitin nang wasto. Gayunpaman, kinakailangan pa ring paunlarin ang kritikal na pag-iisip ng mga mag-aaral at tiyakin ang responsableng paggamit ng teknolohiya upang makamit ang mas malalim na pag-unawa sa mga akdang pampanitikan.
Keywords: paraan, hamon, pananaw, pagkatuto, panitikan
DOI: https://doi.org/10.5861/ijrse.2026.26248
Cite this article:
Durotan, C. L. (2026). Paggamit ng AI Tool: Pananaw ng mga mag-aaral ng BSED Science sa Pagkatuto ng Panitikan. International Journal of Research Studies in Education, 15(14), 53-61. https://doi.org/10.5861/ijrse.2026.26248